ޢަބްދުﷲ ސަޢީދު
މި ކުރެހުމުގައި މިވަނީ ކޮން ކުއްޖެއްކަން އެންމެންނަށް ވެސް އެނގޭނެއެވެ. މީގެ ފަސް އަހަރުކުރިން މި މައުސޫމު ތުއްތު ކުއްޖާ ވަނީ ރަޙުމެއްނެތި މަރާލާފައި ނޫންތޯއެވެ. ތުހުމަތު ކުރެވެނީ މި ކުއްޖާއަށް އެންމެ ބޮޑަށް ލޯތްބާއި އަޅާލުންދޭންޖެހޭ މައިމީހާއަށެވެ. މަންމައަށެވެ.
ޢަބްދުﷲ ސަޢީދު
ޕޯޗްގީޒުން އިންޑިއާ ކަނޑަށް އައީ މީލާދީން 1488 ވަނަ އަހަރު ކޭޕް އޮފް ގުޑްހޯޕް ވަށާލާފައި ކުރި ތާރީޚީ ދަތުރުގައެވެ. އެއީ ކޭޕް އޮފް ގުޑްހޯޕަށް އެ މީހުން ނަންދިން ދަތުރެވެ. ޕޯޗްގީޒުން އިންޑިއާއަށް ފައިބާ މި ސަރަޙައްދުގެ އެކިއެކި ރަށްތަކާއި ޤައުމުތަކާބެހޭ މަޢުލޫމާތު ހޯދައި ޕޯޗުގީޒުގެ ރަސްގެފާނަށް ފޮނުވިއެވެ. އެ މީހުން ދިވެހިރާއްޖެއަށް ނަން ދިނީ "އިލްހާދީވް" ގެ ނަމުންނެވެ. މާނައަކީ ދީވް އޭ ކިޔުނު ޖަޒީރާތަކެވެ.
ޢަބްދުﷲ ސަޢީދު
ކަންކަމުގައި ބިރުގަންނާށާއި ބިރުވެތިވާން ދަސްކުރަންޖެހެއެވެ. ބިރުވެތިކަމަކީ ރައްކާތެރިވުން ނުވަތަ ތަޤުވާވެރިވުމެވެ. ބިރުގަތުމަކީ ކަމެއްގެ ނުރައްކާތެރިކަމުގެ ސަބަބުން ހިތަށް އަންނަ ސިހުމެކެވެ. އަޅުގަނޑުމެންނަށް ބިރުވެރިކަންކަމާއި ނުރައްކާތެރި ކަންކަމާ އަދި އެ ނޫން ކަންކަން ވަކިކޮށް އެނގެން ޖެހެއެވެ. ބިރުވެތިވެވޭނީ ބިރުދައްކައިގެންނެއްނޫނެވެ. ބިރު ގަންނުވައިގެންނެއް ވެސް ނޫނެވެ. އެކަމަކު ހަގީގަތް ހާމަކޮށްދީ ވިސްނައިދެވިގެންނެވެ. ކަންކަމުގައި އެ މީހެއްގެ ސަލާމަތް ބުއްދި އިސްކޮށް، ބޭނުންގެންނެވެ. މިއީ މިއަދު ޤައުމަށްޓަކައި ވެސް ކުރަންޖެހޭ ކަމެކެވެ.
ޢަބްދުﷲ ސަޢީދު
ބަސްބަހުގައި ވެސް ވަށާ ފާރުތަކާއި ފުޅަށްތަކާއި އިންތައް އޮންނަނީތާއެވެ. ޔުނެސްކޯއިން މި އަހަރު (2020 ވަނަ އަހަރު) ގެ މާދަރީބަހުގެ ދުވަހަށް ކަނޑައެޅި ޝިއާރު "ލޭންގްއޭޖާސް ވިތުއައުޓް ބޯޑާސް" އިން އެކަން ކަށަވަރު ވެއްޖެއެވެ. މި ޝިއާރުގެ ދިވެހި ތަރުޖަމާ އަކީ “ސަރަހައްދީ އިމެއް ނެތި ބަސްބަސް” އެވެ. ބަސްބަހުގައި އިމެއް ނޯންނަ ނަމަ މި ޝިއާރުގެ ބޭނުމެއްނެތެވެ.
ޢަބްދުﷲ ސަޢީދު
ދުނިޔެޔާއެވެ. އަހުރެމެން ގޮވައިގެން އައިސް ތިޔަ ވަނީ ކޮންފަދަ ބިރުވެރިކަމެއްގެ ތެރެއަށް ހެއްޔެވެ. ކަނޑުގެ އެންމެ ބިޔަ ރާޅުތަކާއި ތޫފާނުތަކަށްވުރެ މި ތޫފާން މާބިރުވެރިއެވެ. ދަތުރުގައި ކުރިއަށްދާނެ ގޮތެއް ނުވިސްނެއެވެ. ރައްކާތެރިކަމުގެ ބަނދަރެއް ނެތެވެ. މާލިމީންނާއި ކަލާސީނުން ގޮތް ހުސްވެއްޖެއެވެ. އިންސާނީ ނައު މިހިރަ ޣަރަޤު ވަނީއެވެ. ބާރުވަޔާ ނަގޫރޯޅިތައް އެރުމަށްވުރެ އަދުގެ ހާލަތު މާ ގޯހެވެ. ލިބެމުންދާ ގެއްލުންތައް މާބޮޑެވެ. މި މުސީބާތުގެ އަސަރު ކުރާ މީހުންނާއި މަރުވާ މީހުން ވެސް މާގިނައެވެ.
މިއީ ކޮންފަދަ ކަމެއް ހެއްޔެވެ. މި ނުރައްކަލަށް އައިސް ތިޔަ ހުށަހެޅުނީ ކީއްވެހެއްޔެވެ. މިކަމުގެ ގެއްލުން ނޭނގެނީހެއްޔެވެ. ނޫނީ ހަމަ އެނގިހުރެ އިންސާނީ ނައު ޣަރަޤުކޮށްލަނީ ހެއްޔެވެ.
ޢަބްދުﷲ ސަޢީދު
ކޮށިމަގަކީ މަނަދޫގެ އެންމެ އިރުމަތީގައި ރަށް ހުރަހަށް އޮންނަ މަގެވެ. އެ މަގު އޮންނަނީ ރަށުގެ އިރުމަތީ އަވަށުގެ ގަމުތެރެއިން އުތުރުން ދެކުނަށް ގޮސް ދެކުނު ފަރާތު މޫދަށް ފޫގޮސްފައެވެ. އެ މަގުގެ ދެކުނު ކޮޅުގެ އިރުމަތީ ފަރާތުގައި އޮންނަނީ މަނަދޫއާ ގުޅިފައިއޮންނަ ބޯހުރާ އެވެ. ހުޅަނގު ފަރާތުގައި އޮންނަ ސަރަހައްދަކީ ހިންނައެވެ.
ޢަބްދުﷲ ސަޢީދު
ފުރަތަމަ ބައި: އަޅުގަނޑު އައީ މަންމަ ޑޮކްޓަރަށް ދައްކާފައި ގެއަށް އަންނަން ވެގެންނެވެ. މަންމަ އިނީ އަޅުގަނޑުގެ ސައިކަލުގެ ފަހަތުގައެވެ. މާލޭ ބުރުޒުމަގުން އަންނަނިކޮށް ފޯމެކްސް ކުރިމަތިން މަގުގެ މެދުގައި އޮތް ސުމާޓް ފޯނެއް ފެނިއްޖެއެވެ. ފޯނެކޭ ބުނެފައި މަގުގެ އެއް ފަރާތަށް ސައިކަލް މަޑުކޮށްލިތަނާ މަންމަ ސައިކަލުން އަވަސްއަވަހަށް ފައިބައިގެން ގޮސް ފޯނު ނަގައިފިއެވެ. މަންމަ ހީކުރީ އަޅުގަނޑުގެ ފޯނު ވެއްޓުނީ ކަމަށެވެ. މަންމަ އަތް ހިއްލައިގެން ގޮސް ފޯނު ނެގިއިރު ދުއްވާފައިއައި ބޮޑު ޕިކަޕެއް ބުރެކި ޖައްސާ މަޑުކުރަނީއެވެ. މަންމަ ކުޑަ ތަންކޮޅެއް ލަސްވި ނަމަވެސް ފޯނު ފުރޮޅު ދަށުވީހެވެ. ފޯނު އޮތީ ސީދާ ފުރޮޅާ ދިމާލުގައެވެ.
ޢަބްދުﷲ ސަޢީދު
އަޅުގަނޑުމެންގެ ތެރޭގައި ގިނަ ބަޔަކު އެކަންކަމަށް އެހާބޮޑަށް ނުވިސްނާ ބައެއް ކަންކަން އެކި ގޮތްގޮތުން އަޅުގަނޑުމެންގެ ސަމާލުކަމަށް ގެނެސްދެއްވާ އެއް ބޭފުޅަކީ "ނާޖިޙު ދީދީ"އެވެ. އާދޭހެވެ. މިނިސްޓްރީ އޮފް އާރޓްސް، ކަލްޗަރ އެންޑް ހެރިޓޭޖުގެ ރިސާޗް އެނަލިސްޓް މުޙައްމަދު ނާޖިޙެވެ.
މިގޮތުން މީސްމީޑިއާ މެދުވެރޮކޮށް ނާޖިޙު ގެނެސްދެއްވާ މަޢުލޫމާތުގެ ތެރޭގައި ހިމެނެނީ ޚާއްޞަކޮށް ތާރީޚީ ބައެއް ކަންކަމާއި ބައެއް ފަރާތްކުން ލިޔެފައި ހުންނަ ތާރީޚީ ބައެއް ކުށްތަކެވެ. ޒަމާނުއްސުރެ ކިޔާކިޔާ ނުވަތަ އިވިއިވި ދޫމައްޗަށާއި ހިތްމައްޗަށް އާދަވެފައިވާ ހަގީގަތާ ޚިލާފު ބައެއް ބުނުންތަކެވެ. މަޢުލޫމާތުގެ ބައެއް އޮޅުންތަކާއި އެކަމުގެ ހަގީގަތްތަކެވެ.
