ޢަބްދުﷲ ސަޢީދު
ކޮރޯނާ ވައިރަސް ޑިސީޒް-2019 (ކޯވިޑް-19) އާބެހޭ ގޮތުން ދެކެވޭ ވާހަކަތަކުގައި އާންމުކޮށް ބޭނުންކުރެވޭ ލަފުޒުތަކެއް އެބަހުއްޓެވެ. އޭގެތެރޭގައި ސޯޝަލް ޑިސްޓެންސިންގ އާއި، ފިޒިކަލް ޑިސްޓެންސިންގ އާއި، ކާވް ފްލެޓިންގ ފާހަގަ ކުރެވެއެވެ. މި ތިން ލަފުޒަކީ ތަފާތު ތިން މާނައެއް ދޭހަވާ ތިން ލަފުޒުކަމަށް ވިޔަސް ކޯވިޑު އާލަމީ ވަބާގެ މި ދުވަސްވަރު މިއީ އެއް ލަފުޒާއި އަނެއް ލަފުޒު ވަރަށް ބޮޑަށް ގުޅިފައިވާ ގާތް ތިން ލަފުޒެވެ.
ޢަބްދުﷲ ސަޢީދު
މާވެޔޮ މިސްކިތް ވަރަށް ގިނަ ބަޔަކު ދަންނާނެއެވެ. އެކަމަކު މަސްޖިދިލް ބަހާއުއްދީނެއް ގިނަ ބަޔަކަށް ނޭނގެއެވެ. ބަންޑާރަ މިސްކިތަކީ ވެސް އެންމެން ދަންނަ މިސްކިތެކެވެ. އެކަމަކު އެ މިސްކިތުގެ ރަސްމީ ނަމެއް ގިނަ ބަޔަކަށް ނޭނގެއެވެ. އިސްލާމީ މަރުކަޒަށް ވެސް މިކަހަލަ ގޮތެއް ދިމާވެއެވެ. ހުޅުމާލޭގައި ވެސް ފޮތުނަމާއި ވަނަން އޮންނަ ދެ މިސްކިތެއް ހުރެއެވެ. ރާއްޖޭގެ އެހެން ރަށްރަށުގައި ވެސް މިހެން ދިމާވެފައި ހުރެދާނެއެވެ.
ޢަބްދުﷲ ސަޢީދު
މިއީ ހިތްދަތި ވަގުތެކެވެ. އެކަމަކު މި ވަގުތު ގަންނަން އަޅުގަނޑުމެންނަށް ވަގުތު ލިބިއްޖެއެވެ. މި ވަގުތު ގަންނަން ލިބުނު ރަނުގެ ފުރުސަތުގައި އެތައްކަމެއް ދިވެހި ޤައުމުންކޮށްފިއެވެ. މި ވަގުތަކީ އަންނާނެ ވަގުތެއްކަން އެނގިތިބެއެވެ. ތައްޔާރު ވެވެން އޮތް އެންމެ ރަނގަޅަކަށް ތައްޔާރުވެވިއްޖެއެވެ.
ދެން އޮތީ މި ހާލަތާ ކުރިމަތިލުމެވެ. މާތްﷲގެ ވާގިފުޅާއެކު މި ހާލަތުން އަރައިގަތުމަށް މަސައްކަތް ކުޅައުމެވެ. މިންވަރުފުޅަށް ރުހުމެވެ. މާޔޫސްވެ ކަންބޮޑުވެ ހާސްވުމުގެ ބަދަލުގައި މާތް ﷲއަށް ވަކީލުކޮށް ސަބަބުތަކުގައި ހިފައިގެން ކުރިއަށް ދިއުމެވެ.
ޢަބްދުﷲ ސަޢީދު
ކޮރޯނާ ވައިރަސް ޑިޒީޒް 2019 (ކޯވިޑް 19) ދުނިޔޭގައި ބާރަށް ފެތުރެމުން ދާއިރު މި ނުރައްކާތެރި ބަލި، ރާއްޖެއަށް ވެސް ވަނީ ފޯރާފައެވެ. އެހެންނަމަވެސް މާތް ﷲ ގެ ހެޔޮ ރަޙުމަތްފުޅުން ދިވެހިންގެ ތެރޭގައި ކޮންޓްރޯލް ނުވެ ފެތުރިގެންނެއް އަދި ނުދެއެވެ. ރާއްޖެއާ އަޅާބަލާއިރު ހުރިހާ ގޮތަކުން މާ ފުދުންތެރި ބައެއް ޤައުމުތަކަށް ވެސް މި އާލަމީ ވަބާއާ ދެކޮޅަށް ހަނގުރާމަ ކުރުމަށް ވަނީ ނުކުޅެދިފައެވެ. އޭގެ ބައެއް ޤައުމުތަކުން އެތައް ސަތޭކަ ބަޔަކު ދުނިޔެ އަޅާ ހިނގައްޖެއެވެ. ކޮންމެ ދުވަހަކު އެތައް ބަޔަކުން އަންނަނީ މި ބައްޔަށް ފައްސި (ޕޮޒިޓިވް) ވަމުންނެވެ. މި ވަގުތަކީ އަޅުގަނޑުމެން ﷲ އަށް ޙަމްދާއި ޝުކުރުކޮށް ސަބަބުތަކުގައި ހިފަހައްޓައިގެން ދައުލަތުގެ އިރުޝާދުތަކާ އެއްގޮތަށް ކުރިއަށް ދާންވީ ވަގުތެވެ. ނިޢުމަތްތަކަށް ޝުކުރު ކުރުމަކީ ނިޢުމަތްތައް އިތުރުކޮށް ދެއްވާނެ ކަމެކެވެ.
ޢަބްދުﷲ ސަޢީދު
ދިވެހިރާއްޖެއަކީ މީގެ ކުރިންވެސް ވަބާތަކާއި ބަލާއާފާތްތަކާއި ޤުދުރަތީ ވަރަށް ނުރައްކާތެރި ކާރިސާތައް ވެސް ތަޖުރިބާ ކޮށްފައިވާ ޤައުމެކެވެ. ދިވެހިރާއްޖޭގެ ކުޑަކަމާއި ފަގީރުކަމާއި ނިކަމެތިކަމާއެކު ވެސް އެއިން ކޮންމެ ފަހަރަކު ﷲގެ ވާގިފުޅާއެކު މި ޤައުމާއި ރައްޔިތުންނަށް އަމާން ބަނދަރަކަށް ދަތުރުކުރެވުނެވެ.
ދިވެހި ތާރީޚު ޖަހަންފަށާފައިވަނީ ރާއްޖެ އިސްލާމުވި ހިސާބުންނެވެ. ކޮންމެ ހަނދުމަހެއްގެ 15 ވިލޭރޭ މާލެއަށް އަރާ ޖިންނި ފުރޭތައެއްގެ ވާހަކައިންނެވެ. އެއީ ފުލޯކު ވާހަކައަކަށް ވިޔަސް އެ ބޮޑު މުސީބާތުން ދިވެހިން ނަޖާކޮށް ދެއްވައި، އިސްލާމީ ނޫރު މި ފަސްގަނޑުގައި ފެވިގެން ދިޔުމުގައި އަޅުގަނޑުމެން ދިވެހިން އިސްވެކުރި މޮޅުކަމެއްގެ ވާހަކައެއް އެ ފޯކްލޯރަކު ވެސް ނާދެއެވެ.
ޢަބްދުﷲ ސަޢީދު
ޞިއްޙީ ޚިދުމަތަކީ އެންމެ މުހިންމު އިންސާނީ ޚިދުމަތެވެ. ޞިއްޙީ ޚިދުމަތްތެރިންނަކީ ބަލިތަކާ ހަނގުރާމަ ކުރަމުންދާ ބަލި މީހާގެ އެންމެގާތް މަދަދުގާރުންނެވެ. ޑޮކްޓަރުންނާއި ނަރުހުންނެވެ. ލެބޯޓްރީތަކުގައި މަސައްކަތްކުރާ މީހުންނާއި ބޭސްފިހާރަތަކުގައި މަސައްކަތްކުރާ މީހުން ވެސް ހިމަނައިގެންނެވެ. އެންމެހާ ޚިދުމަތްތެރިންނަށް ފަށްފަށުން ޝުކުރިއްޔާއެވެ. އަރިސް ކުރަނީ ޝުކުރުގެ ޖިޒީތަކެވެ.
ޢަބްދުﷲ ސަޢީދު
ދިވެހިރާއްޖެއިން ހިމަބިހި ނުފެންނަތާ ތިން އަހަރުވުމަށްފަހު ހިމަބިހި ޖެހިފައިވާ ކުއްޖަކު ވަނީ ފެނިފައެވެ. މި ކުއްޖާ ފެނުނުއިރު ވެކްސިން ފުރިހަމަ ނުކުރެވިވާކަން ވަނީ ފާހަގަކުރެވިފައެވެ. ދަރިންގެ ވެކްސިން ކާޑުތައް ނަގައި ބަލާލުން ރަނގަޅު ދަނޑިވަޅެކެވެ.
